Jowai, Feb 22: Re•anggipa Sukrobar salo, adita manderang re•baenba vote ka•chakgipa machine-rangko nosto ka•e galenba vote ka•na gita man•tokjahani gimin, Jaintia Hills Autonomous District Council (JHADC)-ni election-ko sonibar salo ong•ataianio 85.85% mangni gita Jaintia Hills-ni manderang vote ka•angtokaha. Chel•chakaniko bariatanichi bang•bata manderang re•bae vote ka•angtokaha.
Dam 58 district council constituency-rang chong•motan KHADC-o dam 29 aro JHADC-o dam 29 election-rang re•anggipa Sukrobar sal, chong•motan February jani 21 tariko matchotangaha.
JHADC-o 91.46% mangni gita vote-rangko man•e vote ka•gipa bang•batgipa ong•engon, Jowai North 75.48%-ko man•e komibatgipa ga•akskaaha. Iani gisepon, Maskut polling station 99.52% mangni gita vote ka•giparangko nikna gita man•e skanggipa ong•engon, Khaddum 51.34% mangni gita voter-rangko man•e komibatgipa ong•skaaha.
KHADC-o, Nongspung-Sohiong 86.09%-rangko man•e vote ka•giparang bang•batgipa ong•engon, Nongthymmai-o vote ka•giparang 59.75% ong•enba komibatgipa ong•skaaha. Polling station-rangoni Maw-Ah polling station-o 96.99% mangni gita vote ka•giparang ong•e bng•batgipa ong•engon, Madanrting Thembasuk Rum A-o 4.49% mangmangko man•e komibatgipa vote ka•giparang ga•akskaaha.
KHADC-o me•chik sak 12 aro JHADC-o sak 7 me•chik susaenggiparangko man•chape, chu•gimik sak 272 candidate-rang ia election-o susaenga.
Sak 6,76,467 me•chik voter-rang aro sak 6,32,347 me•asa voter-rangko man•gope chu•gimik sak 13,08,818 voter-rang iano gnang. KHADC-o lakh 10 ong•na am•pile voter-rang aro JHADC-o lakh 3-na batpile voter-rang donga.
February jani 24 tariko ong•atanggimin election-ni vote-rangko channaniko dakanggen.
Na·simang ia video-koba nina man·gen:
Na·simang iakoba poraina man·gen: EJH-o EVM nosto ka•e galani bidingo police-rang am•sandina a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
