Shillong, July 22: Jaintia Hills Autonomous District Council (JHADC)-ni Summer Session-ko Bristibar salo Jowai-o ong·atangaha aro ia Session-ko ong·atanio dingtang dingtang nangchongmotgipa kamrang, jekai East Jaintia Hills a·jani Brichyrnot songoba Star Cement company-na rong·chun bikotna NOC on·ani bidingo aro uandakgipa gipin kamrangni bidingo opposition membor-rang, JHADC-ni Executive Committee-o sing·doangaha.
15th Finance Commission-ni ning·o sorkarini chamgimin tangka paisarangko on·ani, JHADC-ni a·ako jabol galchakna gita JHADC aro a·dok sorkarini gisepo songgigrike soi ka·ani aro uandakgipa kamrangni giminba ia Summer Session-ko ong·atanio JHADC-ni opposition dol aro Executive Committee-ni gisepo chanchirimangaha.
