Guwahati, Dec 19: Bangladesh a•songni Jihadi bobil dolo jak donggipa manderangko Assam-ni police-rang, Assam, West Bengal aro Kerala a•dokrangoniko rim•na man•aha.
Police-rangni u•iatani gitade, Bangladesh a•songni Ansar-Ul-Bangla (ABT) aro Jammat-Ul Mujaheedin (JMB) bobil dolni manderang India a•songo donge, RSS aro Hindu dilgiparangko chadrapna miksongengachim indiba Assam police-rangni mikrakbee kamrangko ka•anichi ia bobil dolni manderangko a•dok damgittamoniko rim•na man•aha.
Ia manderangoniko police-rang, bobil dolrangni agangrikna jakkalgipa app, toromni ki•tap, Bangladesh a•songni passport aro Bangladesh a•songni certificate-rangkoba man•aha.
Police-rangni u•iatani gitade, ia manderangko police-rang sing•sandion, uamang November aro December jani gisepo India a•songona napsrukbae network-ko tariaha ine ku•rachakaha.
Ia manderang, India a•songni dingtang dingtang biaprango so•sojengjeng ong•atna gita silchidare aro gulirangko chimongna a•bachengengahachim ineba police-rang parakataha.
Na·simang ia video-koba nina man·gen:
Na·simang iakoba poraina man·gen: Prestone, HNLC-ko sorkari baksa songgigrikaniko dakna didiata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
