GANGTOK, March 27: Sombar salo Sikkim a·doko sason ka·enggipa Sikkim Krantikari Morcha party dam 32 assembly constituencyrangna uamangni candidaterangko parakataha. Uamangoni saksara Chief Minister ong·enggipa Prem Singh Golayni jikgipa Krishna Kumari Rai ong·a, jekon Namchi Singhithang elakana mingaha. Indake ong·on, jikgipako candidate donani gimin uni kosako agananirang dongaha.
Soreng Chakung elakani MLA ong·enggipa Aditya Golay-ni biapo uni pagipa Prem Singh Golay chakatskagen. Aditya Golayko 2019 bilsio MLA seokaha. Prem Singh Golay patoko dongna mingatako man·ani gimin 2019 bilsini eleksino chakatna man·jawa ine nike uni depanteko donaha, indiba eleksin ong·na skangan uko dos gri ine court rai on·aha.
Golay 2019 bilsio Poklok Kamrang elakao chakate cheaha. Ua elaka da·o uni jikgipani chakatnasienggipa elakani sambao ong·a.
“Ia nokdangni gipin manderang politikso bak ra·ani dongjawaha” ine batanggimin bilsi 5na kingking Golay aganahachim. Uni giminsa da·o uni jikgipako candidate mingahani gimin manderangni gisepo nokdangna daka ine agan-mitakanirang nakataha.
“Partyni aro jinmani nangnikani gitasa anga nokdangni mandeko candidate donna nangaha. Ua partyo dongode namgni ong·batgen ine partyni manderang aro jinmaba nikaha. Nokdangna daka inako da·ode agantokgen, indiba ia candidate cheani ja·manosa maina uko candidate songaha ukode u·itokgen” ine Goyal uni kosako agangiparangna aganchakskaaha.
CM Golay da·o Soreng Chakung aro Rhenock elakarango susagen. Elaka damgnio chakatani miksongako sing·on, uan partyni tik ka·ani gitasa ong·aha aro uan ia elaka damgnina namgni ong·gen ine Goyal aganchakaha.
SKM partyo candidate on·ani biding meligrikgijanirang ong·katenga. Bang·a manderangan partyko wate gipin partyrangko napangtokenga. “Je partyba gimik manderangni namnikanikode chu·sokatna man·jawa. Partyni candidate ong·na sikgiparanga bang·ani gimin chu·ongnikgijagipade dongtelaigen. Uan ong·rongbewal. Indiba a·doko donggipa pilak dolrangonin candidate dongna nanga. Indiba chingni partyode saksa bilsi 10na bate membor ong·na man·ja. Uni giminan 2029 bilsiode gital candidaterangko nikgnok” ine Goyal aganaha.
Na·simang ia video-koba nina man·gen:
Na·simang iakoba poraina man·gen: VPP East Khasi Hills-osan bilakaia ine UDP agana
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
