Ampati, Sept 4: Budbar salo, South West Garo Hills-ni Animal Husbandry and Veterinary Department, National Livestock Mission (NLM)-ni ning•o donggipa dingtang dingtang scheme-rangni gimin manderangna u•iataniko on•a gita Ampati-ni MFC-o District Level Seminar-ko ong•atangaha, jeon bang•a Self Help Group (SHGs)-ni aro Integrated Village Cooperative Societies (IVCS)-ni member-rang apsan re•baenba jilla kaarangni bidingo agan-golpogrikaniko dakna gita cholrangko on•angaha.
South West Garo Hills-ni Additional Deputy Commissioner (ADC), Dr. R. Ch. Marak, mongsonggipa sokgipa ong•e ia seminar-ko a•bachengate on•angaha. Ia tom•anio aganengon, Dr. Marak, jilla kaanirang ba unoniko man•gipa cha•a ringanirangko tariengon an•tangari ga•chatna man•a nangchongmotani gimin gisiko nangbate aganangan baksana iano bak ra•gipa sakantikon a•jao man•enggipa bosturang ba jilla kaanirangko jakkale bading chiwalani cholrang jakai be•en, dud aro do•chirangko palbadinganiko dakchina didianiko dakangaha.
District Animal Husbandry & Veterinary Officer, Dr. FGT Sangma, National Livestock Mission-ni mongsongbatgipa miksongani gimin agane on•angan baksana jilla kaanirangko aro do•o jillanirangko dake pangkamgipa janggi tangani cholko on•ani aro jilla kaanirangko dakani bidingo trainning-rangko on•enba uamangni changa sapani aro u•i ma•sianiko tang•dobatatanian ia mission-ni miksongani ong•a ineba aganangkuaha. Una agreba, Dr. Sangma, sex-sorted straws ba an•tangni namnika gita bima ba bipako ba•atna man•gipa samrangni bidingoba jinmana u•iate on•angaha jekon ia jaoni pilak game ge•e cha•enggiparangna tangka gri indin suale on•aniko dakanggen ineba janapangaha.
Ia seminar-o, jilla kaanirangko dakani a•bao simsak nirokaniko dakna changgipa manderangni mesoke on•anirangkoba nikna gita man•aha. Animal Husbandry Department-ni Dr. Nikman A Sangma, NLM-ni ning•o Entrepreneurship Development Program-ni bidingo agan-golpogrikaniko dakengon, Dr. Gilsang Ch Marak, Piggery Mission-ni gimin gamchatbegipa agantalate on•aniko dakangskaaha. Indake ong•engon, Dipchera Momin, MSRLS-ni Cluster Coordinator, risk management aro wakni insurance-ni gimin aro AS&WCO-ni Probath Ch Sangma, PMKSY WDC 2.0-Livelihood Component-ni gimin talatangskaaha.
Ia program-ko, Dr. FGT Sangma-ni jakchi iano bak ra•giparangna jilla kaanirangko tang•dobatatani kamrango gisiko on•kange kamko ka•anina certificate-rangko on•e matchotataha.
Na·simang ia video-koba nina man·gen:
Na·simang iakoba poraina man·gen: Tripurana dingtangmancha Rs 250 Cr chamako Ma·mong Sorkari ra·chaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
