Shillong, July 4: Adita salrangna skang West Garo Hills a•jao baditaba sak me•asarangni jako kragija dake dokako man•gipa me•chikko Meghalaya Legislative Assembly-ni ning•o donggipa Committee on Empowerment of Women (CEW)-ni Chairperson Santa Mary Shylla grongeaha.
West Garo Hills a•jani Damal A•sim jolo donggipa Teksragre songo, me•chik saksako baditaba sak me•asarang, kragija dake dokahachim aro ia a•sel ong•aniko social media-rango niksona man•ani ja•man dos dakgipa sakdok manderangko West Garo Hills a•jani police-rang rim•ahachim.
Indake ong•engon, CEW-ni Chairperson Santa Mary Shylla-ni kobor ra•timgipa manderangna parakatani gitade, ia me•chikko da•o West Garo Hills a•jani Tura-o donggipa One Stop Centre-o done simsak nirokanirangko on•engani gimin ia me•chikni obosta da•o namkalengaha.
Ia a•sel ong•ani ja•man CEW-ni chairperson, West aro South West Garo Hills a•jani Deputy Commissioner-rang, Superintendent of Police (SP)-rang aro gipin official-rang baksaba tom•aniko ong•atangenba, me•chik aro bi•sarangni kosako ong•gija dakanirangko champengna nangengani gimin chanchirimangaha.
Iandake doka sata ba kal•ake roako man•gipa me•chik ba bi•sarangna a•doko shelter home-rang komiengani gimin ua iani bidingo a•dok sorkari baksa agangrikgen ineba Santa Mary Shylla parakataha.
Na·simang ia video-koba nina man·gen:
Na·simang iakoba poraina man·gen: Assam a•doko chi ban re•ani 2-gipa bako lakh 16-na batpile manderang nangchakeako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
