Guwahati, Dec 24: Jal Jeevan Mission (JJM)-ni ning•o tangka gong kror 19,000-rangko koros ka•genchim ong•oba, Public Health Engineering (PHE) department-o neng•nikanirangko man•ani a•sel chu•sokna gita man•jaha. Official-rangni a•kangani gitade, 57.52 lakh nokdangrang siltongni chirangko man•tokaha, indiba songo noko sing•sandie nigenchim ong•ode a•kanggimin gita apsan ong•taijachim.
Bokakhat PHE mangmangon, ge 371 water supply scheme-rangna tangka gong kror 381 mangni gita koros-rangko ka•angaha, jeoni ge 44 scheme-rangde kam ka•gijagiparang ong•toka inenba, Nayan Moni Hazarika minggipa ukil saksani RTI ka•anichi u•ina man•aha.
Jal Jeevan Mission (JJM)-ko 2019 bilsio, songo noko donggipa nokantiona siltongni chirangko sokatna miksonganio a•bachengataha, ia scheme-na ma•mong sorkari 90% aro a•dok sorkari 10%-ni gita tangka paisarangko on•e dakchakaniko on•a. Iani gisepon, bijoli-na tangka gamgijani, rama dal•dalatani project-rang aro chi wataniko niroktimgiparangni simsakgijani a•sel bang•a scheme-rangan kam ka•gija galchipaona sokataha.
PHE department-rang, agency-rang jekai BSNL aro PWD-rangni rika cho•ani somoio siltongrangko nosto ka•ani gimin matnangatan baksana taripile on•a gita badita tangka paisarangko nanggenchim uarangko hisapanaha ineba u•iatangaha.
October jao am•sandie nianio bang•a kam kagija donchipgalanirangko nikna gita man•enba, Assam-o JJM-na rika cho•ani kamrangko dontongataha. Man•gimin report-ni gitade, official-rangni u•iatanina baten kam ka•gija scheme-rang gnang aro badita mancha nokdangrang chirangko man•engachim ukoba name u•ina gita man•ja.
Bilsi 2021 aro 2024-ni gisepo rikgimin JJM-ni bang•bata scheme-rangan, songadamo donggipa manderangna dakchakniko on•asa ong•achim, indiba ian manderangni gisiko ia JJM-ni bidingo ku•mikchetanio bebe ra•na amgijanikosa ra•baaha.
Na·simang ia video-koba nina man·gen:
Na·simang iakoba poraina man·gen: Bangladesh sorkari, Tripura a•dokni sorkarina gong crore 200 mangni gita bijolina gamna nanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
