Shillong, Oct 2: Jal Jeevan Mission (JJM)-ni kamko ka•anio a•songo nambatsranggipa a•dokrangoni damsa ine Meghalaya a•dokba mingako man•aha aro uandaken Robibar salo, Gandhi Jayanti-ko maniani somoio Meghalaya a•doknaba India a•songni President Droupadi Murmu-ni jakchi award ba upattiko on•aha.
Ia award-ko Meghalaya a•dokni PHE Minister Renikton Lyngdoh Tongkhar, a•songni President-oniko ra•chakeaha aro award-ko on•ani somoio India sorkarini Jal Shakti Minister Gajendra Singh Shekhawat-ba dongpaaha.
Meghalaya received an award from the Hon’ble @rashtrapatibhvn, Smti Droupadi Murmu Ji for its performance in Jal Jeevan Mission.
Award received by Hon’ble PHE Minister, @ReniktonLyngdoh in the presence of Union Minister, @gssjodhpur Ji
Congratulations Team JJM Meghalaya! pic.twitter.com/RcPBBq3vRr
— Conrad Sangma (@SangmaConrad) October 2, 2022
JJM-ni kamko ka•anio Meghalaya a•dok, States/Union Territories gadango gnigipa biapko man•aha aro ian salgro salaram jolni chonbegipa a•dokna namen mikkim rasongni ong•aha.
‘Har Ghar Jal’ status-oba Meghalaya a•dok, Assam, J&K, Kerala, Manipur, Nagaland, Rajasthan, Sikkim, Tripura, Uttarakhand, Karnataka, Goa aro gipin a•dokrangna bate nambata biapko man•aha.
HGJ status-o Meghalaya a•dok, dam 597 songrango chu•sokgipa ong•aha aro dam 1500-mangni gita songrango chi pipe-rangko teke on•ani 100% gapaha.
Iandake JJM-ni kamo chu•sokgipa ong•ahani gimin aro ia award-ko man•ahani gimin Meghalaya a•dokni Chief Minister Conrad K Sangma, an•tangni kusi ong•aniko parakataha.
“Manderangna chu•onga gita rongtalgipa ringani chiko on•aniara ia sorkarini mongsonggipa daitoan ong•a aro kamko ka•anio neng•nikaniko man•batgipaba ong•ahachim. 2019 bilsini August jao JJM-ko a•bachengatani somoio, songadam nokadamrango dam 4500-mangni gita nokdangrangsan chirangko soke man•engkuachim indiba da•alo dam lak 2.53-na baten nokdangrang, chirangko soke man•ahani gimin chang 55 baridapaha,” ine Sangma parakataha.
Ia award-ko man•ahani gimin ua dingtangmancha PHE department-ni officer aro membor sakantikoba mittelpilangaha.
