Jowai,May 1: May jani 1 tariko, Jaintia National Council, uamangni President Sambormi Lyngdoh-ni dilanio Khliehriat powergrid-o bilsi 10na batpile kam ka·anggipa sak 9 home guard-rangko ra·galanina Employment Commission baksa Chief Manager, Sanatanu Das-ko grongeaha. Ia dingtangataniko ra·bana gita a·dok sorkari ge·etaniko on·ataha aro ra·gala man·gipa home guard-rangko central government agency-ni staff baksa bodolskagen ine Das JNC na u·iatangaha.
Ia indake dakaniara, indita bilsirangna dangdike on·gipa home guard-rangni kosako kragija kamko ka·ani ong·a ine Lyngdoh jegalaniko dakatengon, skie ra·gimin home guard-rangan jolo dongengon maini gimin a·palo kam ka·giparangko rimbana am·enga inenba ua sing·doaniko dakataha. Uasan ong·aigija, jolni guard-rangara a·doko kam ka·na mancha·an skie ra·gimin ong·a aro central-ni staff-rangde a·songni dingtang dingtang biaprango kam ka·bagiparangsa ineba janapataha.
JNC dol, ua sak 9 home guard-rangko ra·piltaianiko dabie, ia ong·enga obostarangko nampilatna gita May jani 5 tarikna somoiko on·ataha. On·gimin somoi gita dabianirangko chu·sokatja ong·ode uamang ja·ku de·anirangko dakan baksana sorkari baksa agangrikanirangkoba dakanggen.
Lyngdoh-ni aganani gitade, ian damsa biaposan ong·aija indiba sorkari aro private sector-ni pilak department-rangnan nangchakeani ong·gen. A·dok sorkari jolo songdongenggipa manderangna chakpaaniko on·a nanga ine aganengon, jolni home guard-rangan mongsonggipa daito-rangko mikkangchi ka·angkuna man·a nangchongmota ineba ua janapangkuaha.
Na·simang ia video-koba nina man·gen:
Na·simang iakoba poraina man·gen: Damdok secondary skulrangko higher secondary-ni gadangona ra•dona Cabinet ra•chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
