Shillong, Aug 14: Joltangni manderangkon a•dok sorkari, gadangni kri ‘Tourist Assistant’ ba Tourist-rangko dakchakgipani kamna seokgen ine Budbar salo, Meghalaya a•dokni Chief Minister Conrad K Sangma parakataha.
Chief Minister-ni talatani gitade, ia kamrangara, tourist-rangko re•dilani, chel•chakaniko on•ani aro biaprangni gimin tourist-rangna agan-talatani ong•gen.
Budbar salo, Shillong songjinmani State Convention Centre-o tourism-ni kamko ka•enggipa dingtang dingtang dolrangna program-ko ong•atanio jinmana aganprakangengon, a•dokona re•baenggipa tourist-rang naljokaniko man•china aro biaprangni gimin kakket ong•e ma•sichina gita a•dok sorkari, joltangni manderangkon ‘tourist assistant’ dake kamo rakkina miksongenga ine Chief Minister parakataha.
Iako dakanichi joltangni chadamberangna janggi tangani cholrangko ong•katatna cholrangko on•skagen ineba ua aganaha.
Adita salrangna skang a•doko niamrangko pe•anichi Tourism-o nangchakeaniko ra•baani gimin janapatskaengon, a•doko Tourism-ko tang•doatna gita iandake niam pe•anirangko pilakan jegalgrimchina Chief Minister didiangaha.
A•doko tourism eco-system-ko namdapatna gita ku•pattianirangko on•chinaba ua dingtang dingtang dolrangko didiangaha.
Ia program-ko ong•atanio a•dokni Chief Minister Conrad K Sangma aro Tourism Minister Paul Lyngdoh, autumn tourism calendar-koba oprake on•angjolaha.
Ia bilsio ong•atna sienggipa program-rangara, November 12 tarikoni 14 tarikona Shillong Literary Festival, November 15 aro 16 tarikrango Shillong Cherry Blossom Festival, November-ni 29 aro 30 tarikrango Me•gong Festival, December-ni 6-7 tarikrango The Hills Festival, December-ni 10 tariko Bryan Adams-ni concert, December-ni 12-oni 14 tarikona Winter Tales aro gipinrang ong•gen.
Na·simang ia video-koba nina man·gen:
Na·simang iakoba poraina man·gen: Teer nomborni bimingo cha•bokgipa mande saksani kosako FIR ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
