Shillong, Sep 20: East Khasi Hills a•jani ning•o donggipa Jongksha song-ni manderang uamangni Community Health Center-o doctor-rang chu•ongjaengani gimin, Jongksha Community Health Center (CHC)-ko Sukrobar salo chipataha.
Ia center, 2022 bilsini September jao, Primary Health Center-oni Community Health Center-ona tang•doatako man•gipa center ong•achim aro batanggimin September 14 tariko, sak 3 MBBS doctor-rangni chutti ra•oni dipetan ia CHC-o doctor-rang dongjachim.
Indake ua jolni manderang saa ding•aniko man•e ia CHC-ona sanna bannaniko ra•na re•baon doctor-rang dongjani a•sel Shillong songjinmaona re•bae sannaniko ra•na nangao ga•akahachim, jeni a•selan, songdongenggipa manderangko ding•chaoataha.
Songko nokko dilenggipa Rangbah Shnong-ni dilanichi, ia CHC-ona Bristibar salo re•bae nieaha aro iano ka•enggipa doctor-rang sal 45-na chutti ra•aha ine u•ina man•aha. Ia obostarangko Department of Health and Family Welfare-ona sokatani palo, doctor-rangko ia CHC-o man•kujaenga dipetna uamangni CHC-ko chipatna gita songdongenggipa manderangko draataha.
Na·simang ia video-koba nina man·gen:
Na·simang iakoba poraina man·gen: Namdapha National Park-o dongipa camera-o matcha mangsako nikna man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
