Guwahati, March 29: Sonibar attamo, Assam Cooperative Apex Bank-o jingjengatani bidingo koborrangko ra·timanina rim·ako man·gipa journalist, sal 5 jaman Guwahati Central Jail-oni jokaha. Uni pattok ning·oni jokbaaniko bang·batan kobor setimgipa dolrangni cheani gita nikpilaha maina journalist-rang, songsalni namgnina kamko ka·giparang baksana Civil Rights group-rangba uko rim·anina jegalaniko dakangaha.
Guwahati Press Club-ni General Secretary aro The Cross Current-ni reporter, Mozumdar-ko police dolrang pattok ning·o donaniko ru·utatna jotton ka·begenchim ong·oba, Sukrobar salo court-ni gita Additional Chief Judicial Magistrate Gitok Jyoti Das-ni jakchi bail on·ako man·aha. Ua an·tangni ka·rimska journalist-rang, a·jao songdonggipa manderang aro ukilrangko una chakpaaniko on·anina de·mitelangaha.
Uko rim·aniara uan politics-ni kam ong·a ine aganengon, ua mikkangchi an·tangni kamko kakket ong·e niam-ko ja·rike kamrangko ka·angkugen inenba ku·mikchetaniko dakangaha. Bang·a manderangni aganani gitade, sorkari media-ko jripatna miksonge minggni case-rango uko rim·aha. Sonibar salo, dol 4 lefties party ba dolrang chong·motan CPI (M), CPI, CPI (ML) aro Forward Bloc, Guwahati-ni Rotary Club-o jegalaniko dakenba, Apex Bank case-ni bidingo name am·sandianiko dakchina dabianiko dakan baksana sorkarini kamko jegalataha.
Guwahati Press Club-ni President Sushmita Goswami, journalist-rang sakantian ku·cholsan ong·e donggen aro kobor ra·timgiparangni jakgitelanina kamrangko ka·angkugen ineba janapataha. Mozumdar-ko rim·aniara, Assam a·doko koborrangko se·timgiparangni bidingo bang·e chanchirimanirangko nakatatan baksana jakgitele koborrangko ra·anina chakpaanirangba baridapataha.
Na·simang ia video-koba nina man·gen:
Na·simang iakoba poraina man·gen: Spinal Manual Therapy-ni bidingo dake rike niani workshop-ko USTM-o ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
