Shillong, March 2: National Green Tribunal (NGT) dol, Meghalaya sorkarini-ko Chief Secretary-ni gita Jowai Bypass project-ko rikani jabolrangko skatang galani gimin talataniko on•china u•iatangan baksana gipin authority-rang jekai Jowai District Magistrate aro Central Pollution Control Board (CPCB)-koba aganchakaniko on•china gitaba janapataha.
National Green Tribunal (NGT)-ni songe on•gipa committee, ramarangko tariani somoio samtangtango donggipa ong•telaigiparangna simsakna nangani niamrangko ja•rikgijaniko nikna gita man•aha. Ia project-ni a•sel Myntdu chibima aro samtangtango donggipa biaprang nangchakeako man•enga.
Samtangtango donggipa ong•telaigiparangni namgnina kamko ka•gipa, Khroo L. Pariat aro gipinrang, Meghalaya Public Works Department-ni ramarang tariani a•sel chibimarang nosto ong•atako man•ani a•sel na•tokrang, sam bolrang aro matburingrang nangchakeako man•enga ine matnanganiko dakataha. NGT ta•raken iani bidingo ja•ku de•anirangko dakatenba, a•damona re•ange nirokeaniko dakchina ge•etaniko on•angaha.
NH-40E aro NH-44-ko nangdimatna tarigipa Jowai Bypass Road project, jeni bakroanin km 5.9 mangni gita ong•achim, skanggipao ia project-ko 2022 bilsini March jao M/s Kampung Kamyer Company-na on•ahachim, jamano 2023 bilsini January jao M/s Dhar Construction Company-na 2025 bilsini March jao matchotatna somoiko on•e pakwatatskaaha.
Ia Myntdu chibimara, Jowai sepango donggipa Mihmyntdu songoni jokbachenge Bangladesh-ona jokanggipa ong•a. Aro Jowai-o songdongenggipa manderangna ian mongsonggipa jakkalani chi ong•a, jekon uamang ringna aro ge•a gamanirangna jakkala. Uasan ong•aigija, ia chibimara jatni dakbewal rikbewalna, toromo bebe ra•giparang aro jolo songdonggipa manderangna gamchatbegipa biap damsa ong•a.
Central Pollution Control Board (CPCB) doloni sapbegipa dolrang aro Ministry of Environment, Forest and Climate Change (MoEF&CC) dol, Myntdu chibima jolo donggipa dam 5 biaprangko nirokeaniko dakangaha. A•arang aro rongterangko man•chape rama tariani jabolrangko darerang aro sepangjolo donggipa chiringrang, mongsongbate Urkhla-o donggipa Mynkrem aro Myntdu Chibimarangni nangdimegipa biapo galenga ine report-o nikna gita man•aha. Champenganirang chu•ongjani a•sel, mongsongbate mikka wachi karini somoirango jabolrang chiringrangona aro sepangjolo donggipa a•ba gamgipa biaprangona ga•akonangani a•sel mi misirangko nosto ong•atenga.
Chirangni nama namgijaniko porikka kae nianiko dakanio, ia chiring auna mangmangde namkuenga ine nikna gita man•aha, indiba jabol galanirang batrikrikani a•sel a•dubekrang barirorobaengaha jeni a•selan mikkangchi chiring nosto ong•atako man•aba donga. Iana agreba, rama tarigipa biaprango a•dimurangko champengna gita maming tarisamsoanirang dongjani a•sel balwako rongtalgija ong•atenga ine nikna gita man•aha.
Municipal-ni jabolrangkoba Jowai-Dawki rama sambao donggipa darerango galenga aro ian jabol galani niamrangko ja•rikgijaniko mesoka. Committee-ni gita ta•rake ja•ku de•na nanganirang jekai, jabolrangko name galna biaprangko tariani, rama tarigipa biaprango a•dimurangko champengatani, jabolrangko name galna nangani gimin manderangna skie on•ani baksana pilak on•gimin niamrangko ja•rike 2025 bilsini March jao matchotatchina janapataha.
Na·simang ia video-koba nina man·gen:
Na·simang iakoba poraina man·gen: NALSA Scheme aro Government Welfare Scheme-rangni bidingo mega camp baksana awareness program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
