Jowai, Dec 19: December 18 tarik attamo, West Jaintia Boxing Administration (WJBA) baksana West Jaintia Hills District Administration aro District Sports Office nangrimenba, West Jaintia Hills a·jani aro Meghalaya a·dok gimikni Boxer ba su·grikgiparangna ‘Boxing Fight Night’-ko Jowai Police Station sambao donggipa Ummulong Tourist Taxi Stand-o ong·atangaha.
Ia dakgrikani program-ko ong·atanio kan·dike tom·anikoba ong·atangaha, jeon West Jaintia Hills a·jani Deputy Commissioner Garod LSN Dykes, skotong sokgipa ong·e bakko ra·angaha aro ia program-ko ong·atani DSP Mc Joel Marngar, District Sports Officer Khroobok Passah aro gipinrangba dongpae bak ra·angaha.
Ia tom·aniko ong·atanio West Jaintia Hills a·jani Deputy Commissioner, jinmana kan·dike aganprakangengon, iandakgipa program-rangko ong·atanichi chadamberang iandakgipa kal·susaanirango bak ra·pana didianiko man·gen aro ong·gija kamrangoni chel·e dongna dakchakani ong·gen ine an·tangni ka·dongchakenganiko parakangaha.
COVID-19-ni tikako su·e ra·anichisan an·tangtangko aro an·tangtangni ka·sagimin nokdangni manderangko chel·chakna man·gen ineba ua association-ni membor-rangko aro jolo songdongenggipa manderangko tika su·e ra·china gita didiangjolaha.
