Jowai, April 4: Jowai-ni MLA Pa Wailadmiki Shylla, Mongolbar salo Jowai, Kiang Nangbah Government College-ni Auditorium-o programko ong·atanggipao Skills Meghalaya-ni ning·o a·bachengatgipa project-ni gita Web Developer-ni bidingo Skills Program-ko a·jani chadamberangna a·bachengate on·angaha.
Jaintia Institute of Training-ni jako ra·angnasienggipa jagittamni training programo a·jani sak 50-mang chadamberang bakko ra·e dingtang dingtang skie ra·anirangko dakangnasienga.
Unomiting, a·jani MLA Pa Wailadmiki Shylla, jinmana aganprakangengon, ia salrango sorkarini kamrangko ka·e cha·na cholrang dongbrejaengani gimin, chadamberangko mikkangchi an·tangtangna janggi tangani cholko dake-ka·e ra·china gita cholrangko on·na miksonge a·dok sorkari dingtang dingtang programrangko chadamberangna ong·atjringenga ine parakataha.
Pilak kamrangkode a·dok sorkari an·tangari chu·sokatna man·chajawa ine Pa Shylla aganangtaipilenba, manderangni janggi tanganio mongsonggipa neng·nikanirangko namatna gita chadamberangko aro songsalkoba, sorkari baksa bakrime kamrangko ka·china gitaba ua didiangjolaha.
Programo bakko ra·giparangna, JIT-ni Managing Director, Pa B. Marwein, West Jaintia Hills a·jani SDO, Pa Lambormi Suchen aro gipinrangba aganprakangaha.
Iakoba poraie nina man·gen: Roster system-na dabianiko ACHIK watgaljawa
