Shillong, Sept 9: Farmer Collectivisation for Upscaling Production & Marketing (FOCUS)-ni ning•o Producer Group-rang baksa agangrikani program-ko Bristibar salo, Jowai-ni Mynthong-o donggipa District Library Auditiorium-o ong•atangaha aro ia program-ko ong•atanio West Jaintia Hills-ni Additional Deputy Commissioner aro DRDA-ni Project Director PK Boro, mongsonggipa sokgipa ong•e bakko ra•angaha.

Ia FOCUS program-ni bidingo talataniko on•angengon, game ge•e cha•giparangna pala sim•ani cholrangko on•e a•doko gama ge•ani kamrangko tang•doatna gita sorkari, ia program-ko a•bachengataha ine Boro talataniko on•angenba, sorkarini on•enggipa dakchakanirangko ra•e gama ge•ani kamrangko namdapatchina gita jolo game ge•e cha•enggiparangko didiangaha.Ia program-ko ong•atanio, Amlarem Block-ni Assistant Manager Starwell Paduna-ba ia FOCUS program-ni gimin aganangengon, ia program-ni ning•o game ge•e cha•giparangna gong 5000/- ka•e sorkari on•gen indiba game ge•e cha•giparang ‘producers group’ dolrango bimingko segatna nanggen ine parakataha.

Amlarem C&RD Block-o dol 48 Producer Group-rang, Laskein C&RD Block-o dol 52 Producer Group-rang aro Thadlaskein Block-ni ning•o dol 68 Producer Group-rang donga ineba Paduna parakataha.