Shillong, Dec 11: Jowai-o Seinraij Higher Secondary School-ni Diamond Jubilee manianiko Budbar salo matchotataha aro ia manianiko matchotatani salo, Meghalaya a•dokni Deputy Chief Minister Sniawbhalang Dhar baksana Jowai-ni MLA Wailadmiki Shylla-ba bak ra•angaha.
Ia skulko 1964 bilsio kulichengahachim aro ia skulni bilsi 60 gapanio bang•a manderangan ia skulo poraie mande ong•angtokaha.
Ia tom•anio a•dokni Deputy Chief Minister Sniawbhalang Dhar, tom•anio bak ra•giparangna aganprakengon, ia skulni bilsi 60 gapanio bang•a manderangnan a•gilsakni seng•aniko on•na man•aha ine an•tangni kusi ong•aniko parakataha.
Skigipani kamko ka•anio dormaharangko bang•gijasan man•pagenchimoba, uamangni skie on•anichi chatro chatrirang, jatko aro a•songko dilna gita tarigiparang ong•ani gimin skigipani kamara mandeni janggi tanganiko dingtangatgipa gita ong•a ineba Dhar aganaha.
Ia tom•anio, Jowai-ni MLA Wailadmiki Shylla-ba jinmana aganprakangengon, a•dokni Deputy Chief Minister Sniawbhalang Dhar-an Jaintia Hills-oni ong•ani gimin da•o Jaintia Hills-ni dilgiparangba a•dok sorkario dongaha aro Shillong, Tura songjinmarangna on•enggipa dingtang dingtang project-rangko Jowai-naba apsan daken on•enga ine parakataha.
Ia skulni Diamond Jubilee-ko manianio skulko kulidilchenggipa manderangoni saksa S Ram Paswet baksana gitcham headmaster aro gitcham skigiparangnaba mande ra•pilskaaniko dakangaha.
Na·simang ia video-koba nina man·gen:
Na·simang iakoba poraina man·gen: Assam-ni Nagaon a•jaoniko matchani bigil baksana sakgni badingsrukgipa manderangko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
