New Delhi, June 6: Amethi-o Lok Sabhana susaanio Union Minister Smriti Irani-ko amchepatgipara bilsi 62 ong·gipa K L Sharma ong·a. Uan Gandhi nokdangna chakpagipa aro ku·sik bang·e agangijagipa ong·a. Indiba uni je ku·sa ku·gni aganade namen gamchatgipa ong·skaa. Press Trust of India-ni sing·anirangna ua minggniko aganchakaha: Rahul Gandhi ja·ku ga·dapangkue Leader of Opposition-ni balko ra·na nanga, aro Priyanka Gandhi Vadra politicso nape Parliamento biap ra·na nanga.
Somoi ong·na gitikosa K L Sharmani nomination file ka·gitike mingsinggipa Smriti Iraniko Amethio amatania exit poll agansogiparangko sko saatbeaha aro iani bidingode golpo dake ru·uta bilsirangnan aganangkugen.
Amethio Rahul Gandhi ba Priyanka Gandhiko mikkangchakna nangani bidingo Smriti Irani namrengreng dake, “jeba re·babo amchepataigen” ine April jao aganaha.
K L Sharma elaka damgnikon Gandhi nokdangni palo bilsi 40 batpile niroke dongenga. Ia chango ua an·tangan chakaton Smriti Iranina 1.6 voterangko bate man·e amchepataha. Gandhi nokdangni aro Amethi-ni manderangni a·selsa ua cheaha ine aganaha.
“Amethi-ni manderang aro Gandhi nokdangni manderangan angna mongsong wengiparang ong·aha,” ua aganaha.
Bang·a Mprangan Rahul Gandhini Leader of the Opposition ong·ako nangnikani bidingo sing·on, “ Angaba Member of the Parliament, angaba unan chakpaa. Angni nikani gitaba ua ia daitoko jako ra·na nanga” ine ua aganchakaha.
Rahul Gandhi Raebareli aro Wayanad elakarango cheaha, uarangni gisepo badiako Rahul Gandhi ra·o namgen ine sing·aninaba ua aganchakaha. “Anga maidake agangen, uade dol gimikni chanchianiosa pangchakgen. Indiba angni nikani gitade ua Raebareli-ko ra·o namgen.”
Rahul Gandhi Wayanand-ko wate on·ani ja·man bye-election ong·ode uno Priyanka Gandhi susasakagenma ine sing·on, “Angni chanchiani gitade ua re·banan nanga. Parliamentona re·bachina agana uko chanchi chang aganaha” ine Sharma aganchakaha.
KL Sharma an·tangni cheanio rasong dake rojaha. “Politicsode ajak sokgrikani katta gri. Ian sports kal·ani gita apsana — saksa amgen, saksa ama man·gen. Ajak sokgrikani kam chingni nikaniode gri.”
Na·simang ia video-koba nina man·gen:
Na·simang iakoba poraina man·gen: A•gilsak gimikni mongsonggipa dilgiparang Narendra Modi-na nama skaniko on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
