New Delhi, Aug 1: Batanggimin July jani gisepo gimik pong million 130 COVID tikarangko India a·song gimiko su·aha aro da·o August jani gisepode tika su·aniko batatkugen ine Robibar salo, Union Health & Family Welfare Minister Mansukh Mandaviya parakataha.
A·songo tikarang chu·ongjaenga ine Congress dolni dilgipa Rahul Gandhi-ni social media-o parakatahani gimin ia kattarangko Union Minister, social media-o aganchakatskaaha.
भारत में जुलाई महीने में 13 करोड़ से अधिक टीके लगाए गए हैं।
इस महीने इसमें और तेजी आने वाली है। इस उपलब्धि के लिए हमें अपने स्वास्थ्यकर्मियों पर गर्व है।
अब तो उन पर और देश पर आपको भी गर्व होना चाहिए। https://t.co/fgdifM26k6
— Mansukh Mandaviya (@mansukhmandviya) August 1, 2021
“July jani gisepo pong kror 13-na baten India a·songo tikarangko su·aha aro ia jaode tika su·aniko bariatkugen. Ia kamko chu·sokatahanina chinga health care worker-rangko mittelpilna ska aro na·aba uamangna aro a·songna rasong chana nanga,” ine Mandaviya parakataha.
July jade bon·angaha indiba tika chu·onggijanide bon·kujaenga ine Rahul Gandhi, social media-o parakatahachim.
Rahul Gandhi-na social media gita aganchakaniko on·atengon, ua an·tangba July jani gisepon COVID-ni tikako su·e ra·giparangoni saksa ong·a ine Mandaviya parakataha.
“July jani gisepo tika su·e ra·gipa sak kror 13 manderangoni na·aba saksa ong·a ine anga knasoaha. Indiba na·a scientist-rangna maming kattakoba aganjaha aro manderangkoba tika su·e ra·china didijaha,” ine Mandaviya, social media-o Rahul Gandhi-na aganchakataha.
Indake ong·engon, India a·songo COVID tikako su·ani million 470 batangaha ine Robibar salo Union Health Ministry parakataha.
