Shillong, Mar 14: Deputy Chief Minister in-charge Home (Police), Prestone Tynsong, Police Department-ni ning·o ge 3000 mang bate bangbang ong·e dongenggipa post-rango ia bilsini June jani gisepon gapatgnok ine Bristibar salo parakataha.
Ia police department-ni ning·o kam ka·gni manderang komiengani a·sel dingtang dingtang kamrango ta·rake chusokna man·jaengani gimin iako ta·rake matchotatna gita recruitment board-rangko u·iataha aro iarangko matchotatna man·ningjaengani a·selba, a·doko Meghalaya Residents Safety and Security Act (MRSSA)-ko ra·gatanio man·dikani ong·enga ineba ua janapataha.
Department-ni gita am·sandianio aro charge sheet-rangko segatanio krenge kamko ka·enga aro DGP an·tangba bangki dongenggipa mokordomarangko matchotatna jotton ka·enga ineba ua aganaha.
Police personnel-rangna dongchakani nokni bidingo janapengon, re·baenggipa bilsini gisepo da·o Khyndailad-o donggipa building-ko New Shillong Township-ona apjitatskagnok ine aganan baksa, a·sel ong·a man·gipa garirangko donchakna gita Shillong-o biapko on·china District Transport Officer-na lekka sedoataha ineba Tynsong janapataha.
Na·simang ia video-koba nina man·gen:
Na·simang iakoba poraina man·gen: MIDH-ni ning•o game ge•e aro bading chiwale cha•giparang sorkarini dakchakaniko bi•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
