Tura, Feb 22: Catheterization Lab ine biming done, ka·tongni sabisiko sanna Tura Civil Hospitalo lab gitalko kuliaha. Ia lab gitalona chasong gitalo bikotgipa namnamgipa bosturangko USAoniko ra·baaha, aro uarangko ra·baani koros tangka kror 6mang ong·aha.
Ia lab-ko jakkale heart attack ong·giparangni an·chi ramao mandeni tarigimin noliko donskana, ka·tongo kol pua dake donggiparangko mittipna aro pacemaker chatna man·gen.
“Ia bosturangan da·ode Garo Hillso manderangni janggi bon·gnioniko jokatna man·an baksa tanggitikgipa obostarango dakchakbeani ong·gnok” ine Tura Civil Hospitalni Interventional Cardiologist, Dr. Jacob Abraham Ruram, Hubnews-ni manderangna aganaha. “Ia lab-ko a·bachengahaon salo sak 6mangkode jako ra·na man·gnok, aro ia kamna ang baksa technician sakgni aro nurse saksako rakkigen” ineba ua agandapaha.
Hubnews-ni manderang hospitalni Superintendentkoba gronge golpoaha. Ian dal·begipa chu·sokani ong·a aro Meghalayani a·palchi dam rakbee ka·tongni sabisiko sanna chol ong·gijagiparangnaba ian pattiani ong·aha ine ua kusi ong·e aganaha.
Superintendentni aganani gitade, Meghalayani sorkari hospitalrango indakgipa bostuko donade ian skanggipa ong·enga. Ru·utgijan Tura Civil Hospitalo MRI machinekoba dongnok, aro manderangna dakchakbeani ong·gnok ine agandapaha.
Na·simang iakoba poraie nina man·gen: Tura-o Skillerate Connect program-ko salgnina ong•atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
