Shillong, Nov 10: Da•al salni bako Khasi Jaintia Welfare Association Shillongni Mawkhar biapo uamangni office noko ‘Ka Kramar Khasi Kitab V’ ko oprakangaha.

Ma Lucetta Syiem jean St Mary’s School ni gitchambatgipa skigiparangoni saksa ong•a ua ia kitap Khasi ku•sikko jakkalanio dingtang dingtang ortorangko u•ina altubatatgnok aro ia kitapni segiminrangara Khasi kusikko sea jotanio namen da•ororoni chasongni chatro chatrirangna dakchakbeani ong•gnok ine aganangaha.

Ma Syiem KJWA-ko uamangni rakbe•e sandirikkote ia kitapko oprakna kamrangko ka•aninaba mitelpilangskaaha aro a•dok sorkarikoba ia kitapko skulni secondary gadango jakkalangna on•chinaba didijolangaha.

Research Committee ko Professor S S Majaw chairman ong•e dilangaha, SS Rynjah Secretary aro Asst Professor M.S.Kharsyntiew dakdilangaha. Ia kitapko KJWAni research cell uamangni dakdilgiparangni rakbe•e ku•monganichi chu•sokgipa ong•ataha.

Ia kitapo odhai 17 gnang aro chu•gimik king 1000 ko Ri Khasi Publications, Shillong chappa ka•angaha.