Agartala, Sept 27: Kamtangtangko ka•anio kacharini niamrangko pe•na kenjachina gita Tripura-ni Chief Minister Biplab Kumar Deb, a•doktangni civil service officer-rangko aganaha.
Kacharini niamrangko pe•a ga•akgenchimoba ua dakchakanirangko on•aigen ine ku•rachakaniko on•angengon, kacharide ge•etaniko on•ainaba gnang indiba ge•etaniko ja•rikna nanggipa police-rangde uni ning•osa ong•a ine Deb, TCS officer-rangni chang 26-gipa biennial conference-ko Rabindra Bhawan-o ong•atanio aganaha.
Ia tom•anio uni jinmana aganprakaniko dingtang dingtang social media-rango live on•skaahani gimin bang•a manderangan, uni iandake agananiko niksoe raken jegaltokskaaha.
Iana skangba, Agartala-ni chief minister, civil engineering aro civil services-ni bidingo ma•sisrete, civil engineer-rangsan civil service-ni kamrangna dorgastoko galna nanga ine aganahachim.
Re•anggipa bilsioba program mingsao ua, Southern America-ni bakrobatsranggipa Amazon chibimako Africa-o ong•a ine aganahachim indiba bakrobatsranggipa chibimara ‘Nile’-sa ong•achim.
Internet-koba ua India a•songo Mahabharata-ni somoirangon bikotaha ine agangipa ong•achim.
