Guwahati, Jan 18: Congress dolni dilgipa Rahul Gandhi-oniko kakket bichalko am·na gita Congress doloniko ra·gala man·gipa youth leader ba chadambe dolko dilgipa Angkita Dutta Bristibar salo, Assam a·dokni Amguri-o asonge jingjengataniko dakangaha.

Srinivas-ni kosako social media-o sedoatani gimin talataniko on·china u·iatanio, Congress dolni dilgiparangna chu·ongnika gita aganchakaniko on·na man·jahani gimin Angkita Dutta-ko Congress doloniko ra·galatahachim.

An·tangni asonge jingjengatengmiting somoio kobor ra·timgipa manderang baksa agangrikengon, uko batanggimin ja 10-na Congress doloniko ra·galaha aro iandakmiting somoirango ua an·tangni neng·nikanirangko Congress dolni dilgiparangna u·iatahaoba uni agananirangko knachakjaenga ine Dutta parakataha.

“Angni agananiko knachakgija anga party-ni kosako kam ka·enga ine angko ra·galaha. Batanggimin ja 10-na anga angni songon angni manderang baksa ong·enga aro manderangba ang baksa ong·e anga Rahul Gandhi-oniko kakket bichalko man·chongmotgen ine ka·dongtokenga. Da·alo Rahul Gandhi, ‘Bharat Jodo Nyay Yatra’-na Assam-ona re·baahani gimin ua angna kakket bichalko on·gen ine angaba uo ka·dongenga,” ine Dutta aganaha.

Srinivas VB, uni kosako gisikni gita dongtoatgijanirangko on·ahani giminsa ua Srinivas-ni kosako ku·rang on·ahachim indiba Congress dolni dilgiparang, ukosa party-oniko ra·galskaaha ineba Dutta talataniko on·angaha.

Kakket bichalko man·na gita ua Rahul Gandhi-na chittiko on·atgen ineba Congress doloniko ra·gala man·gipa Angkita Dutta aganaha.

Iakoba poraie nina man·gen: EJH-o Woh Tep Kyndait-ni mangkrongko Dy CM oprake on•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub