Tura, Jan 28: Meghalaya a•doko bi•sarangna, kal•anirangchi skie ra•aniko sorkari a•bachengataha ine Sombar salo, Meghalaya a•dokni Chief Minister Conrad K Sangma parakataha.
Tura-ni Dobakkol-o Model Creative Learning Centre-ko nokdonggae on•anganio, jinmana aganprakengon, bi•sarangni u•i-ma•siani, poraiani aro jakni kamrangko nambatatna gita bi•sarangna kal•anirangchi skie ra•aniko nangchongmota ine Chief Minister aganaha.
Early Childhood Development (ECD) Mission-ni ning•o, a•dokni pilak biaprangon bi•sarangna learning centre ba skie ra•ani biaprangko kuligen ineba Chief Minister parakataha.
Model Creative Learning Centre-ko a•bachengatna bakrimahani gimin Mere Mentor aro Dobakkol Non-Govt LP School-ko mittelpilangengon, ia centre-ko rikna gita sorkari, tangka paisarangko dakchake on•aha indiba ia centre-ko chalaianide ia dolrangni bakrime kam ka•aniosa pangchakgen ine Sangma aganaha.
Ia centre-ko kulina gita Chief Minister’s Special Development Fund (CMSDF)-ni ning•o gong lak 50-ko chame on•aha aro ian bi•sarangna kal•anirangchi skie ra•na gita Chief Minister-ni a•bachengatgipa project ong•enga.
ECD Mission-na sorkari gisik on•e kamko ka•enga ine janapatengon, atchiaoni bilsichetona kingkingde bi•sarangni janggi tanganio ta•raken dingtanganiko nikna man•ani gimin ia bilsirangon bi•sarangna namako skie on•na man•na nanga ine Chief Minister aganaha.
Europe aro UK a•songrango maikai bi•sarangna skie on•anirangko daka uko sorkari nienba an•tangna dingtang cholko tariaha ineba ua aganaha.
Dingtangmancha scheme-ko ra•gatenba sorkari, a•dokni anganwadi-rangko Smart anganwadi-ona tang•doatgen ineba Chief Minister parakataha.
South Garo Hills a•jani Chokpot block ning•o donggipa Dura Asim songoba Mere Mentor dol, Anganwadi-ko namdapatenba learning centre dake kuliaha aro ia centre-ko batanggimin bilsignina chalaiengaha.
Ia learning centre-ko kuliani bidingo Mere Mentor-ni founder Sourav Kumar, kobor ra•timgiparangna talate on•angengon, songsalo nangrime learning centre-rangko kulianichi skulrang, nokdangrang aro songsalrangni gisepo nangrimaniko bilakbatatna man•gen aro skie ra•ani bewalko namdapatna man•gen ine aganaha.
Na·simang ia video-koba nina man·gen:
Na·simang iakoba poraina man·gen: Niam gri koela bikotaniko champengna Aerial Survey-ko dakgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
