Williamnagar, April 17: Kal•susaanio changgipa sapgipa chadamberangko sandina gita Sombar salo, Meghalaya State Olympic Association aro Meghalaya sorkarini ning•o donggipa Sports & Youth Affairs department, dingtangmancha Sports Talent Identification program-ko East Garo Hills a•jani Loyola College kal•chakramo ong•atangaha aro ia program-o East Garo Hills a•jao donggipa dambri skulrangoni gimik sak 276 chatro chatrirang bakko ra•angtokaha.
Ia sports talent identification program-ko Meghalaya State Olympic Association, a•dokni Sports department baksa nangrime STAR program-ni ning•o, kal•susaanio changgipa sapgipa a•dokni chadamberangko sandienba, World Class Elite Athletes ba a•gilsakni gadango kal•susagiparang ong•atna miksonge ong•atenga.
Ia sports identification program-ko Williamnagar-ni Loyola College kal•chakramo ong•atanio, East Garo Hills a•jani Deputy Commissioner Vibhor Aggarwal, Loyola College-ni Principal Fr Sunny Augustine, Meghalaya State Olympic Association-ni working president John F Kharshiing aro gipin official-rangba dongpae bak ra•angtokaha.
Ia program-ko ong•atanio chatro chatrirangni kal•susaanirangko Australian Olympian-ni dilanichi State Olympics Association-ni gita nie ra•angaha aro iani result-ko jasani ja•man parakatgen ine Meghalaya State Olympic Association-ni working president John F Kharshiing parakataha.
Iakoba poraie nina man·gen: W’nagar-ni MLA kamrangko matchotja ine matnanganiko W’nagar NPP jegala
