Shillong, July 11: A•dok ning•o kam ka•ani work permit ba kam ka•e cha•na bik on•ani lekka pasarang chu•onga gita dongama dongja KSU dolni sandianiko dakani somoio gipin biaponi re•bae kam ka•e cha•enggipa gipin jatrangko doka satanina Khasi Students Union (KSU) Nongthymmai circle-ni President Eric Nongkhlaw-ko police-rang rim•aha.
KSU Nongthymmai circle-ni Vice President, Richard Mawkhiew, waljatchini somoio Nongkhlaw-ko police-rangni rim•aniara, uko bobil dol baksa bakrimgipa gita chacha rim•aha aro indake uko rim•anina kenjagokate, a•paloni a•dokona lekka chu•onga gita donggija napbae kam ka•e cha•enggiparangoniko sandianiko dontongatna man•jawa ine aganaha.
Unbaksanaba, uko salni somoio rim•gija maini gimin waljatchini somoiosa rim•skaaha ineba ua Police-rangko sing•doataha.
Batanggimin somoirangonin, gipin biaponi re•bae kam ka•e cha•enggiparango chu•onga gita lekkarang dongama dongja, KSU dol sandirikitaniko dakengachim.
Indake July 8 tariko, Durand Cup-ko ong•atna J.N. Sports Stadium-ko taridapenggipao kam ka•e cha•enggipa gipin jatrangko KSU-ni memborrang doka satahachim.
A•dokni Skotong Minister Conrad K Sangma, gipin biaponi re•bae kam ka•e cha•enggiparangna work permit-ko nangja indiba uamang Labour Department-o register ka•na ba bimungko segatnasan nangaia ine talate on•angaha.
Una agreba, J.N. Sports Stadium-ko taridapenggipao kam ka•e cha•enggiparangko kragija doka satanio jak donggiparangni kosako ming 4 case-rangko segataha ineba ua janapataha.
Na·simang ia video-koba nina man·gen:
Na·simang iakoba poraina man·gen: Uttarakhand-ni Chamoli a•jao a•a ruani a•sel Badrinath National Highway champengatako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
