Guwahati, June 22: Guwahati-ni Nilachal-o donggipa Kamakhya Temple-o 2024 bilsini Ambubachi Mela-ko Sonibar saloni a•bachengataha. Ia mela-ni a•bachengahaon, uamangni olakkichakram nokni do•garangko pringni 8:30 bajionin chipaha, jeon, olakkigiparang “prabritti” ba goddess Maa Kamakhya-ni bilsini bewal nikani niam retiko manie olakkianiko dakenga.
Temple ba olakkichakram biapko nirokenggiparang, ia olakkichakram nokni do•garangko June 25 tarikni walni 9:07 bajimango ‘nribitti’-ko dakani ja•mano ogen aro June 26 tariko niam reti gita au miksumanani aro salantini pujako ka•ani ja•mano, ‘darshan’-ko dakna gita olakkichakram nokni do•gako otaigen ine u•iataha.
Ambabuchi ba Amoti maniani, a•gilsak gimikoni mingsa dal•gipa maniani ong•a, jeon, me•chikrangni bi•sa ba•ani bil gnanganiko mande ra•aniko daka aro Goddess Kamakhya-ni bilsini bewal nikaniko mande ra•e sal 3-na kingking olakkichakram nokni do•gako chipe olakianiko dakachim.
Ia olakkichakram nokona sak 30 lakh mangni gita manderang olakkina re•baaha ine Authority-rang parakataha.
Assam-ni Skotong Minister Himanta Biswa Sarma-ba, ia mela-o olakkina re•bagiparangko rimchaksoani kattarangko X-o seataha.
Kobor ra•timgiparang baksa Tourism Minister agangrikengon, ia manianiko sokachakna chu•gimikan tarisamsoaniko dakaha aro ia manianiko name matchotatna man•a gita, olakkichakram biapona re•bagipa ramako champengataha aro dingtangmancha olakkina re•bagipa manderangna gari-koba tik ka•manaha aro unbaksana dam 2 camp-rangkoba uamangna rikaha ine aganaha.
Na·simang ia video-koba nina man·gen:
Na·simang iakoba poraina man·gen: Manipur a•doko so•so jengjeng ong•aniko ja3-ni gisepon tom•tomatgen: Biren Singh
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
