Imphal, Jan 12: Manipur-ni Kamjong a•jao bolrangko salruraaniko champengatanina ka•o nanggipa dolrang Assam Rifles-rangni makeshift camp-ko sonibar salo nosto ka•angaha.

Police dolrangni u•iatani gitade, ka•o nanggipa dolrang Naga jatrang bang•gipa a•jani Kasom Khullen block-ni Hongbei jolo donggipa camp-ko nosto ka•e galangaha.

Assam Rifles personnel-rang ka•o nanggipa dolrangko camp donggipa joloniko katatna gita tear gas-rang baksana bangbango slai goanirangko dakaha inenba police official saksa u•iataha.

Assam Rifles dolrangni jinmako katatna gita bangbango gulirang goa baksana tear gas-rangko jakkalahani gimin jolo donggipa manderangko ding•chaoataha. Sipai dolrang ia biapko ta•rake wate re•angchina gita dikdiksana tarigipa camp-ko jingjengatgipa dolrang nosto ka•e galangaha.

Sonibar salo, Kasom Khullen jolo nokrangko rikna miksonge salangenggipa bolrangko Assam Rifles jawan-rangni champengatani a•sel ia so•so jengjeng ong•ani dal•rorobana a•bachengaha.

Kamjong-ni SP Ningsem Vashum-ni aganani gitade, sepangjolo donggipa songni manderangba sipai dolrangko rim•badapna man•jana gita ramarangko champengataha.

Assam Rifles dol-ko, Manipur a•dokni dingtang dingtang biaprangona chel•chakaniko on•a gita ma•mongoni watataha. 2023 bilsini May jaoni intal, Kuki aro Meitei jatrangni gisepo so•so jengjeng ong•e dongenga aro iani a•selan sak 250-na batpile manderang so•otako man•an baksana sak hajal manderang nokgri jamgri ong•atako man•aha.

Na·simang ia video-koba nina man·gen:

Na·simang iakoba poraina man·gen: Mawkdok-o a·sel ong·gipa manderangna CM dakchake on·a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub