Shillong, Dec 18: Meghalaya a•dokni deficit skulrango kam ka•e, kamoni neng•takgimin skigiparangna pension-ko on•china aro Death-Cum-Retirement Gratuity (DCRG)-ko bariatchina dabie Meghalaya Retired Deficit School Teachers Association (MRDSTA)-ni membor-rang, Jail Road Boys School-o tom•aniko ong•atangaha.
MRDSTA-ni president EC Nongsiang-ni parakatani gitade, 2017 bilsini January 1 tarikoni 2022 bilsini March 31 tarikni gisepo kamoni neng•takanggipa deficit skigiparangnade sorkari, DCRG-ko bariataha indiba 2017 bilsina skang aro 2022 bilsini ja•man kamoni neng•takangenggipa skigiparangnade DCRG-ko bariatkujaengani gimin uamang, a•dok sorkarina sedoatna tik ka•angaha.
Meghalaya a•doko kamoni neng•takgimin sak 2000-na baten skigiparang, an•tangtangni pension-rangko man•tokkujaenga ine janapatskaengon, iani bidingo uamang baditaba bilsirangna skangan sorkarina changni chang u•iatahachim indiba da•alonan pension-rangko man•tokkujaenga ine MRDSTA-ni president parakataha.
Nongsiang-ni aganani gitade, iani bidingo association-ni dilgiparang, a•dokni chief minister-ko gronge agangrikon, sorkari officer-rangko gronge agangrikchina gita uamangko chief minister aganskaahachim.
Kamoni neng•takgimin skigiparangna pension on•china aro DCRG-ko bariatchina dabianiko sorkari knachakja ong•ode uamang jingjengatana agre gipin cholrang dongjawa ineba MRDSTA-ni president mikrakataniko on•angaha.
Iakoba poraie nina man·gen: West Khasi Hills-o skigipa saksako so·otanina jegalgrime re·joma
Watch
