Boko, July 2: Sombar salo, Kamrup police aro Boko police dolgni bakrimenba new criminal law 2023-ni bidingo Boko Police Station-o mikrakatani tomaniko ong•atangaha. Sorkarini gita dingtang dingtang dos dakgipa manderangko rim•na ba namgija kamrangko champengna miksonganio ia gital niamko tariaha.
July jani 1 tarikoni, India a•song skang chasongoni ja•rikbaenggipa criminal law-rangko gital ming 3 penal law ba niamrang baksa bodolgrikaha, chongmotan 1980 bilsini Indian Panel Code-ko Bharatiya Nyaya Sanhita ba BNS baksa, 1973 bilsini Code of Criminal Procedure-ko Bharatiya Nagarik Suraksha Sanhita ba BNSS baksa aro 1872 bilsini Indian Evidence Act-ko Bharatiya Sakshya Adhiniyam ba BSB baksa bobolgrikaha.
Ia mikrakatani tomaniko, Boko Police Station-ni In-charge Phanindra Chandra Nath, Hekera Higher Secondary School-ni Principal gitcham Dr. Ganeshwar Shaharia maangni nirokaniko ong•atangaha, jeon namen mande ra•ako man•gipa skigiparang “New Criminal Act-2023”-ko ra•gatanio bang•a simsakna nanganirangko dakahani gimin talate on•angaha.
Ia gitalgipa niam reti-ni bidingo, namen mingsingako man•gipa ukil-rang chongmotan Amal Kumar Dolay, Boko Jawaharlal Nehru College-ni Principal Dr. Tapan Dutta, Rabha Hajong Autonomous Council-ni Executive Member Sumit Rabha, Kamrup a•jani Deputy Superintendent of Police Rajiv Kumar Saikia, Boko Revenue Circle-ni Circle Officer Divas Bardoloi, iamang talate on•angskaaha.
Ia program-o DSP Rajiv Kumar Saikia, new criminal laws-ni niamrangko jarikani bidingo, jinma manderang baksa sorkarini kamko nirokgipa baksa meli nangrimani gimin talate ong•angenba, bang•a namgija kamrangko ka•ani bidingrango mikrakatani tomaniko ong•atna nangchongmotani giminba ku•pattie on•angaha. Ia awareness program-ko ong•atanio, kobor ra•timgiparang, bang•a student’s union-ni member-rang aro Boko jolo donggipa Village Defence Party (VDP)-ni member-rang baksana bang•a manderangba bak ra•angpaaha.
Na·simang ia video-koba nina man·gen:
Na·simang iakoba poraina man·gen: Umiam dolongko taripiltaianio somoi ru•ute nangengon re•ruraenggipa manderang neng•nikaniko man•enga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
