Shillong, March 11: Mongolbar salo, Housing Minister Marcuise N Marak, kangal cholgrigiparangna namgipa nokrangko on·an baksana kangalgipa nokdangrangna namgipa janggi tanganiko on·a gita a·dok sorkari on·kange kamrangko ka·enga ine u·iatangaha.
Chief Minister’s Housing Assistance Programme (CMHAP)-ni bidingo chanchirimaniko dakon, department-ni gita maikai ia manderangna dakchakaniko on·a gita man·gen uni gimin neng·nikanirangko namatna aro namdapatna gita kamrangko ka·enga ine ua parakataha. Uasan ong·aigija, uamang songrango aro songjinmarango donggipa manderangna dakchakaniko on·a gita gitalgipa aro sam-tangtango donggipa ong·telaigiparangna nangchakeaniko ra·bagijagipa cholrangko jakkalenga ineba ua janapataha.
Gitcham Rural Housing Scheme (RHS)-ni ning·o, an·tangtangni tangkatangchi rikgipa nokdangrangna ban 3 tinrangko on·ani bidingo Marak aganangaha. Indiba, bang·a manderangan ia namgniko man·a gita ru·uta somoirangna sengna nangan baksana chamgimin tinrang mangmangkosan man·aiani gimin, songadamrango aro songjinmarango donggipa nokdangrangna dakchakaniko on·a gita sorkari ia RHS-ko CMHAP baksa 2017-18 bilsio bodolatskaaha.
Ia CMHAP-ni ning·o, kangal cholgrigipa nokdangrangna uamangni nokrangko taridapna gita nokking pinna jakkalgipa bosturangko suale on·angaha. Iana agreba, bilsio man·gni komie man·gipa nokdangrangna nokrangko rikna gita tangka gong 75,000-ko man·a nangachim, indiba ia bakni scheme-rangkode bang·a biaprangon a·bachengatkujaenga. 2017-2018 bilsirango, South West Garo Hills a·jani 130 nokdangrang tangka paisani gita dakchakanirangko man·aha. Ia scheme-ni gita, songadam aro songjinmao donggipa man·a kragipa nokdangrangna rokomsa silni tinrangkosan mongsongbate da·o dipet on·kuenga.
Na·simang ia video-koba nina man·gen:
Na·simang iakoba poraina man·gen: Chi-bana aro mikka jimaniko agansona man·gipa technologyko Meghalaya jakkalgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
