Guwahati, Dec 9: A•gipi ukil aro Union Minister ong•gitcham, Kapil Sibal-ni Assam a•dokko Myanmar a•songni bak ong•a ine agananichi sakgnini gisepo jegrikani nakataha. Indake Sibal-ni agananina ding•chaoe, “Assam a•dokni gimin name u•ikujaode agana gita nangja” ine Assam-ni Skotong Minister Himanta Biswa Sarma aganchakatskaaha.

Indake, Citizenship Act 1955-ni Section 6A-ni bidingo hearing-ko December 5 tariko ong•atani somoio, Kapil Sibal-ni, Assam a•dok Myanmar a•songni bak ong•a ine a•kangniko japatani gimin sakgnini gisepo nanggrikani ong•aha.

Citizenship Act-ni Section 6A-ni ning•o , a•songgipinoni je mandean 1966 bilsini January jani 1 tarik aro 1971 bilsini March jani 25 tarikni gisepo Assam-ona re•bae songdong a•chamanaha, uamang, 1985 bilsio Citizens Act-o ra•gatgimin niam gita Assam-ni mandean ong•aha aro Section 18-ni ning•o an•tangtangni bimungko Assam-o songdong a•chaenggipa mande ine ma•sina gita segatna nangachim. Indake, 1971 bilsini March jani 25 tariko, Bangladeshi-rangko Assam-o songdong a•chana gita on•jawaha ine tik ka•manaha ine nikna gita man•a.

Indake ia ra•gatgimin niamrangni bidingo Guwahati-oni Assam Sanmilita Mahasangha dol-ni gita, Section 6A-ni kosako ra•bie 2012 bilsini November jao dorgasto-ko on•atskaaha.

Uamangni dorgasto-ko on•ani gita, ia ra•gatgimin niamrangchi, India a•songo songdong a•chaenggipa gipin manderangna kragija dakani ong•a ine japatani ong•achim. Indake, National Register of Citizens (NRC)-ni am•sandie niani gita, Assam-o songdong a•chaenggipa sak 1.9 million manderang India a•songni ong•jachim ine nikna gita man•aha.

Iakoba poraie nina man·gen: Ri Bhoi a•jao mande saksako silchidarerang aro matburingni bakrang baksa rim•a