Guwahati, Jan 12: Bilsiantian ong·atrongbaenggipa Karbi Youth Festivalko January 12oni 19 tarikona Assamni Karbi Anglong districtni Taralangso songo ong·atgen; 17 tariko Indiani President Droupadi Murmu dongpagen.

Karbi manderangni dakbewal rikbewal, niam riti, jatni kal·ani, cha·ani aro ku·sikko a·gilsakni nikanio chua gadangona ra·dona, aro dingang dingtang jatrang aro toromni manderangko ku·cholsan melie songdongrimaona ra·bana miksonganio Karbi Youth Festivalko 1974 bilsionin ong·atrongbaenga.

Karbi Youth Festivalni bilsi 50 gapaniko manina, uko ong·atrongenggipa Karbi Cultural Society (KCS), ru·uta salrangna skangan pilakni gitan tarisamsamsoenga.

Ia bilsio maniaona a·song da 5ni embassy-rangko, jatni daka-rikani bidingo kam ka·giparangoni mongsonggiparangko aro dingtang dingtang u·i-ma·sigipa manderangko okamataha.

Karbi Anglong-o ru·uta bilsirangnan silchidare de·e bobil dakgiparang dongani a·sel so·sojengjeng ong·aha, aro je ong·aniko tom·tomaona ra·bana gita Karbi Cultural Society mongsongbegipa kamrangko ka·aha.

Iakoba poraie nina man·gen: A•songni President-ko rimchaksona Tura tarisamsoa

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub