Dibrugarh, July 21: Sonibar salo, Tinsukia a•jani Kakopathar, Pengri aro Tipong Army camp-o ong•atanggipa “A Day with Company Commander” program-ko, Kargil War-ni somoio ka•dongani kamrangko ka•anggipa matgrikrangko gisik ra•ani bak gita aro sipai dolrangko gisiko nange de•mitellani gita ia program-ko ong•atanio bak ra•gipa sakantian gualna man•gijagipa gisik ra•anirangko man•angaha.

Kargil Vijay Diwas-ni bilsi 25 gapaniko maniani bak gita ia program-ko Spear Corps-ni gita ong•atangaha.

Indian armed forces ba sipai dolrangni ka•dongani, kena sin•a gri an•tangko on•kange high-altitude warfare-o pilak neng•nikanirangko chagrongeba a•songko warachakani gimin ia program-o mande ra•aniko dakangaha. Ia program-ko ong•atani miksonganiara, jatsa jatgipin baksa ku•mong meli nangrimaniko nambatatna aro ramram manderang baksa sipai dolrangni gisepo meli nangrimaniko bilakbatatna miksonganio ong•atangaha.

Sipai dolrangni dilanichi, biaptangtango ong•atanggipa ia program bi•sarangna dingtangmancha u•ie ma•sie ra•ani baksana ripengska ba rorimskana ka•saani gamchatani gimin u•ie ra•anikoba on•angaha. Ia program-o sak 150 chatro chatrirang baksana, sak 8 skigiparang, sak 12 kamoni neng•takgimingrang aro sak 3 Veer Naris ba sianggipa sipairangni sak 3 jikdrangrangkoba bak ra•aniko nikna gita man•aha.

Ia program-ko jatni nisan-ko badalatan baksana a•songni gitko ring•achi a•bachengataha. Chadambe bak ra•giparangni gisepo dilgipani gunko nakatatna aro dolsa dolgipin baksa melie apsan kam ka•ani gamchataniko u•iatna dingtang dingtang kal•susaanirangkoba dakatangaha.

Jatna a•songna dakgrikgipa jawilwat-koba ia program-o wate mesokaniko dakangan baksana, Kargil War-ni matgrikrangni gimin aro ia program-o pangchake sing•anirangkoba iano dakangaha, jeon gisik nangbee bak ra•anirangkoba nikna gita man•aha.

Ia program-o, susagrikanio chegiparangna boksisrangko on•an baksana Army personal-rang baksa agan-golgrikanirangkoba dakna cholrangko on•angaha, jeon Indian Army-ni dakbewal rikbewalni giminba u•ie ra•na gita cholba ong•aha.

Na·simang ia video-koba nina man·gen:

Na·simang iakoba poraina man·gen: Salgro-salaram a·dokrangko ra·doani bidingo Conrad aro Pema Khandu dingchike golpoa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.co

m/@NortheastMediaHub2020

Instagram- https://www.instagram.com/ne_media_hub