Guwahati, June 11 : BJP-ni MP Kripanath Mallah-ni jakchi amatako man•gipa, Assam Karimganj Lok Sabha Constituency-ni Congress candidate Hafiz Rashid Ahmed Choudhury, vote pu•onani salo aro vote channani salo chu•gimik man•gimin vote-rang dingtanggrika inenba, Guwahati High Court-o badi ka•gen ina parakataha.
Guwahati-ni Rajiv Bhawan-o ong•atgipa press conference-o aganani gitade, Election Commission-ni data-onikon ong•rongbewal ong•gijaniko rongtalen nikna gita man•a, ineba Choudhury u•iatangaha.
“BJP-ni MLA-rang jolrangtango bang•a namgija ba kragija kamrangko dakataha. Iasan ong•aigija pilak vote pu•onggiparangkon BJP-na vote on•jaode bulldozer-rangko jakkalenba uamangni nokrangko pe•e galgen inenba ka•mikkenatanirangko dakaha jekon media-oba me•sokangmanaha,” ineba ua matnange aganangaha.
“April 26 tariko, ia ong•gija kamrangni gimin anga chu•gimik ming 19 badi ka•anirangko dakahachim indiba, Election Commission ba gipin iani bidingo jako ra•e kamko ka•giparangba iarangko dontongatna gita maming ja•ku de•anirangko dakjaha,” ineba ua agandapangkuaha.
Vote pu•ona skang mangmangba, bilo ong•enggipa BJP dolrang maiba kragija kamrangko ka•naba donga ineba Congress dolrang badi ka•aniko dakahachim, jedakode manderang jakgitel ong•e aro tom•tom pu•onaniko dakna man•genchim.
Karimganj constituency-o pu•onpiltaianiko dakna dabianiko dakengon, “anga court-ona re•angenba kakket bichal-koba am•gen,” ineba ua u•iatangkuaha.
Na·simang ia video-koba nina man·gen:
Na·simang iakoba poraina man·gen: Agartala-o ma•gipa saksa an•tangni bilsi 9 ong•gipa depante-ko gitoko rim•geke so•ota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
