Guwahati, Jan 10: Re·anggipa Robibar attamo saksa bilsi 16-ong·gipa Bajrang Dal-ni mande Koiri Sambhu minggipako so·otanichi a·jao kajia-golmalrang aro so·so-jengjeng ong·gnirangko champengsona gita Assam-ni Karimganj a·jao CrPC-ni section 144-ko ra·gatataha.

Ia mamlani bidingo police-oniko koborko man·soani gitade, unattamo obosta ong·na skang Koiri, songsul a·ja Hailakandi-o Bajrang Dal-ni salgittamna training camp-ko ong·atgipao bak ra·e noktangchina re·bapilmitingosa obostako chagrongaha, aro ia mamlao saksa Animul Haque minggipako police rim·aha.

Ia obosta ong·na skangan, dos dakgipa aro so·otako man·gipa iamang sakgnini gisepo mainiba kajia ong·grikahachim aro ia obostara Karimganj jillaoni km 50 mang ong·gipa a·jani Lowairpoa songo ong·aha ine koborko man·soaha.

Indake ong·engon, obosta ong·ani ja·man, ua joloni Bajrang Dal-ni manderang Bazaricherra Police Station-ko changduulenba dos dakgipako rim·china dabiangtokaha aro obostarangko sasonni ning·o rakkina gita chelchakgipa sipairangko bang·en donattokaha ineba police-oniko koborko man·sodapaha.