Shillong, Apr 23: Adita salrangna skang, Karnataka a•dokni Mandya-o cha•ani baksa bisi cha•mangipa Meghalaya a•dokni sak 22 chatro chatrirang, Budbar salo Shillong songjinmaona sokbapilaha aro uamang pilaknan sorkari skulrango admission-ko on•gen ine a•dokni Social Welfare Minister Paul Lyngdoh, ku•rachakaniko on•angaha.
Social Welfare Directorate-o tom•aniko ong•atanio a•dokni Social Welfare Minister, ia chatro chatrirangko a•dokona rimchaksoangenba, ia chatro chatrirangko a•doktangona sokbapilna rakbee kamko ka•ahani gimin department-ni official-rangko mittelpilangaha.
Chatro chatrirangni Karnataka-o dongengmiting somoirango pilak nanga kamrangko dakchake on•ahani gimin aro ia chatro chatrirangko Shillong-ona sokbaatpile on•ahani gimin ua Child & Women Rights Commission-ni dilgipako man•chape Karnataka-ni dolsa official-rangkoba mittelpilangaha.
Ia chatro chatrirangko a•doko poraiatna kam ka•enggipa department-ni official sakgni baksa ia chatro chatrirangni ma•a paarang agangrikenga ineba ua aganaha.
Lyngdoh-ni aganani gitade, ia chatro chatrirang, an•tangtangni dakenggipa course-rangko tong•saon watgalbana nangahani gimin samba jolrango donggipa sorkari skulrango admission-ko ra•na gita uamang an•tangtangni dakna nanggni kamrangko matchotatna gita salgni salgittam somoirangkosan nangaigen ine Education department ku•rachakaniko on•angaha.
Ia bi•sarangko Karnataka-chi poraina watatanio sorkaride maming jak dongja ine talataniko on•angengon, uamangni ma•a paarangsa, West Jaintia Hills a•jani dolsa NGO baksa agangrike, uamangko Karnakata-o poraina watataha aro iano sorkaride maming dakeba jak dongja ine Lyngdoh parakataha.
Cha•anirangko cha•e bisi cha•manani ja•mansa iani bidingo sorkarinade kobor on•aha ineba ua aganaha.
Na·simang ia video-koba nina man·gen:
Na·simang iakoba poraina man·gen: NPP Farmers’ Front, sal·wa-ni damrangko bariataniko nangnika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
