Shillong, Mar 18: Karnataka-o bisi gnanggipa cha·aniko cha·mane sakgni chatro chatrirang an·tang janggiko gimaatna nangao ga·akaha aro adita chatro chatrirang bilongbee saaniko man·aha, indake ia a·sel ong·anio jak donggipa sakgniko Police-rang rim·aha ine Meghalaya a·dokni Skotong Minister Conrad K Sangma, Monggolbar salo parakataha.
Ia rim·a man·gipa manderangara ia private school-ko chalaienggipa aro hostel-ko nirokenggipa manderang ong·a.
Indake ia a·sel ong·anio sianggipa chatrorangara saksade Meghalaya-oni klas 7-o poraienggipa Khrehlang Khongtani ong·a aro sakgipin badia biaponi u·ina man·kujaenga ine janapatan baksa ia sianggipa chatrorangni nokdangni manderangna dakchakaniko on·a aro gipin matchotna nangkuenggipa kamrangko ka·na gita sorkarini official-rang baksa Commissioner aro Secretary (Home), Cyril Diengdoh, Karnataka-on dongengkua ineba ua parakataha.
Ia a·sel ong·anio sianggipa nokdangni manderangna sorkarini gita gong 3 lakh-ko on·a aro hospital-o sanna bannaniko ra·enggipa chatro chatrirangna chu·gimik korosrangko ka·na ku·rachakan baksa ia chatro chatrirangko a·doktangona rimbapilna sorkari kamko ka·anggen ineba Skotong Minister janapataha.
Na·simang ia video-koba nina man·gen:
Na·simang iakoba poraina man·gen: NEHU porikkao teng•sugipa Loyola College-ni chatro chatrirangna Cabinet Minister mande ra•pilskaaniko daka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
