Srinagar, May 13: Salgipeng Kashmir-ni Shopian a•jao donggipa Shukroo jolo, India a•songni sipairang baksa gogrikanio, Lashkar-e-Taiba (LeT) bobil dolni mande sakgittam so•otako man•aha.
Police officer saksani u•iatani gitade, Keller-ni buringrango bobil dolni manderang ma•chakenga ine koborko man•soani ja•man, ia jolrango sipai dolrang bilake am•sandianirangko dakna a•bachengataha aro sipai dolrangko niksoon, bobil dolni manderang an•tangtangni silchidarerangchi gona a•bachengaha.
Bobil dake chakatgipa manderangni gona a•bachengani ja•man sipai dolrangba gochakskaaha aro uandaken dolgnini bilakbee gogrikanio, LeT bobil dolni mande sakgittam so•otako man•aha.
So•otako man•gipa mande sakgittamoni sakgnide Shopian a•jao donggipa Chotipora Heerpora-oni Shahid Kuttay aro Wanduna Melhora-oni Adnan Shafi Dar ine ma•sina man•aha. Gittamgipa mandekode da•o dipet official-rang ma•sina man•kujaenga.
Na·simang ia video-koba nina man·gen:
Na·simang iakoba poraina man·gen: UG-CUET-ko Tura-ni ICFAI University-oba seenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
