Guwahati, July 4: UNESCO World Heritage-ni chandimako man•gip biap Kaziranga National Park, adita salrangna skangonin jimbee mikkarang waanichi chi ban re•anirang ong•ahachim aro uano donggipa rokomanti matburungrangni janggirangna, mongsongbate grong ge•sagipa gondurangni janggina kenbegni ong•engachim.
July 4 tarikona kingking koborko man•soani gita, ia chi banenggipa biaponiko mang 72 matburungrangko wildlife officialrang jokatna man•aha, jean, mang 63 de matchokrang ong•achim. Indake, ia chi ban re•anio, rasonggribee mang 17 matburungrangni janggiko gimaatna nangao ga•akaha, uamangoni mang 11 matchokrang chio sripe siaha, mang 5-na sanna bannaniko on•genchimoba janggi galaha aro matram bi•sa mangsaba gimaahachim.
Indake ong•engon, naljokatgipa dolrangni gisik nange aro krenge jotton ka•beanichi, matramrang, sambar ba dal•gipa matchokrang, do•porang, gondu bi•sa, sapau aro buringni menggo-rangko jokatna man•aha. Da•o dipet mang 26 matburungrangko sanna bannaniko on•engkua aro mang 29-ko buringona watatpilaha.
Eastern Assam Wildlife Division-ni ning•o, dam 233 camp-rangoni dam 173 camp-rangko adita salrangna skangde chi mripahachim, jeonin da•alo, dam 141 camprangkosan chi mripaiaha ine koborko man•soaha.
Matburungrangko naljoke rakkina man•a gita, NH-37 (New NH-715)-o garirangni re•ruraanio, 20-40km/hour mangni gitasan garirangko salchina ge•etanikoba on•ataha.
Bang•a neng•nikanirangko chagrongna nanggenchimoba wildlife officialrang aro conservationist-rang, Kaziranga National Park-o janggi tangenggipa matburungrangko naljoke rakkina aro namatpiltaina krenge kamrangko ka•enga.
Na·simang ia video-koba nina man·gen:
Na·simang iakoba poraina man·gen: Indo-Bangla simao tom•tomaniko rakkiangna BSF-BGB songgigrika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
