Guwahati, May 9: Kaziranga National Park, bilsi 13 ong·gipa German Shepherd sniffer dog ba gingsikate am·sandina jakkalgipa achak K9 Karina-ko ka·a be·a gnang bon·kamgipa watgrikaniko dakangaha. Ua bilsi ru·utahani a·sel saanirangko man·e May jani 8 tariko a·gilsakko watangaha. Bhopal-ni Special Armed Forces-ni 23rd Battalion-ni Dog Training School-o una skie on·aniko dakangan baksana, ua TRAFFIC India aro WWF-India Sniffer Dog Programme-o bilsi 10-na dangdike on·angaha.
Karina, Assam Forest Protection Force’s 2nd Battalion-ni uko jakkalgipa Jitu Gogoi baksa donge kam ka·angaha. Ua niamgri matburingrangko so·otgipa manderangko rim·e on·a dakchakan baksana Kaziranga-o niam pe·ani case-rangko talnaba dakchakaha. 2023 bilsio ua Karbi Anglong-o donue donenggipa .303 rifle-ko nike on·an baksana 2018 bilsio Burapahar Range-o matburingrangko niamgri so·otgiparangni donue dongram biaprangko nike on·aha aro 2016 bilsio so·otani case-oba dakchakaniko on·angaha.
2025 bilsini January jao, Karina, Bagori Range-o Republic Day Parade-o rasong chae an·tangni indita bilsi dangdike on·aniko mesokangaha. 2024 bilsini December jao, ua mongsonggipa rate sananiko dakgenchim ong·oba, ua be·enni gita bilgriroroangenba tom·tomao janggi galaiaha.
Seekoni-o donggipa 2nd Battalion-ni hedquarter-o una bon·kamgipa mande ra·aniko dakangaha, jeon forest official-rang, guard-rang aro staff-rangba dongpae bak ra·angpaaha.
Na·simang ia video-koba nina man·gen:
Na·simang iakoba poraina man·gen: Salgnini gisepon India ge 300-400 pakistani drone rangko warachakna man·aha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
