Guwahati, July 2: Mikkarang dontonggija waanganichi Assam a•dokni bang•a biaprangon chi bananirangko nikna man•engon, Kaziranga National Park-oba gimik dam 233 forest camp-oni dam 95-ko chi mripahani gimin park-ni official-rang, ia National Park-o donenggipa matburingrangko dongimin ramarang gita naljokgnigipa biaprangona apjitataha.
Assam a•doko ian ia bilsini gnigipa changna chi banani ong•enga aro uandaken ia Kaziranga National Park-ni bang•bata biaprangon chirang banengahani gimin ia park-o donenggipa ma•manti matburingrang, jekai gondu, matchok, mongma, matma aro uandakgipa matburingrangko National Highway 37 gita re•batangenba nalsao chukalgipa biaprangona apjitataha.
Kaziranga National Park-ko nirokenggipa official-rangni parakatani gitade, Agratoli Range-ni dam 34 camp, Kaziranga Range-ni dam 20 camp, Bagori Range-ni dam 10, Burapahar Range-o dam 5, Bokakhat range-o dam 6 aro Biswanath Wildlife Division-ni dam 20 camp-rangko chi banaha.
Sombar salo, Agoratoli Range-ni Moshguli Camp sambao donggipa bolni dolongkoba chi pe•angaha ine official-rang aganaha.
Kaziranga National Park-ni Field Director Sonali Ghosh-ni u•iatani gitade, ia park-o donenggipa bang•bea mongmarang, Hati Dandi rama gita Karbi Anglong-chipakna re•chakatangtokaha aro ia mongmarangko naljoke watatna, Nagaon aro Golaghat a•jani ning•o ga•akgipa NH-715 rama gita gari gorarangni re•ruraaniko dingtang rama gita watskachina mol•molataha.
Mande aro matburingrangni gisepo nanggrikanirang dongjana gita park-ni official-rang, chel•chakgipa dolrang baksa rakbee kamrangko ka•enga ineba official-rang parakataha.
Na·simang ia video-koba nina man·gen:
Na·simang iakoba poraina man·gen: Kamrup police aro Boko police dolrang bakrimenba New Criminal Law-ni bidingo mikrakatani tomaniko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
