Guwahati, June 20 : Wachi ragatanichi, Kaziranga-o walni somoio bengbilok mikoanirangko knana gita a•bachengaha. Ia Harpetofauna ba ka•bakchi malgipa ba a•o ba chio dongna man•gipa matburingni jat ong•achim, ian bilsini karini dingtangbaani a•sel gimanaba altubegiparangba ong•achim. Bang•e poraianirango nadogipa ong•jagenchim ong•omangba ia batburingrang samtangtango donggipa ong•telaigiparangna mesoke on•gipa ong•an baksana ge•a gamanirangko nosto ka•atgipa jo•ongrangko komiatnaba dakchaka.
June 14 oni 17-ona Herpetofauna ba an•chi ka•singipa a•ao aro chio dongna man•gipa matburingko name dake niani ba survey ka•anio, Striped Caecilian (Ichthyophis ssp) ba chikgil-ko segatna gita man•aha. Ia chikgil-rang jak ja•a grigipa aro bangbata somoion a•ningo a•kol bite donggipa ong•achim. Jeni a•selan iarangko chio aro a•ao donggipa matburing ine bang•e janapako man•rongjachim.
Ia chikgilrangara, malambrakaigipa jo•ong ba kanchuri gita, a•a ning•o dongaigipa, be•en so•omenba tongtang tongtang dakgipa bimangrang ong•achim. Uamangni mikronrang chona baksana bigil pindapani a•sel andala andaljani kri nikanirangba ong•achim. Ia jo•ongrangara uamangni ka•sop aro bigilchin rang•sitna gita man•achim. Uamangko mikka bang•e waani a•sel a•arangko chi man•galani a•selsa nikna gita man•rongaiachim. “Iamangko name poraie nianiko dakna nangkuenga,” ine Kaziranga Park-ni director Sonali Ghosh aganangaha.
Kaziranga-o chu•gimik 1307.49 sq kilomitre jeon, chi ban re•na altubegipa biaprang, a•a chijimgipa biaprang, samsiarigipa biaprang aro bonchotgipa abri jolrang dongenba Herpetofauna ba a•o ba chio dongna man•gipa matburingrangba nambegipa biapba ong•a. 2010 bilsio, a•o aro chio dongna man•gipa rokkom 24 matburingrang aro ka•pakchi malgipa rokkom 74 matburingrang donganiko u•ina gita man•aha. Indake ong•engon, India a•songo rokkom 29 mangni gita chijongrang aro ki•singrang nakatahachim, jeonin rokkom 21-de Kaziranga-oni ong•a ine u•ina gita man•aha aro ian a•gilsak gimiko ki•sing ba chijongni rokkom bang•batgipa ineba bimungkoba man•ataha.
Ia ta•rake am•e nianiko, Assam Don Bosco University-ni Dr Saibal Sengupta, Wildlife Institute of India-ni Dr Abhijit Das, Golaghat, D.R College-ni Dr Rajeev Basumatary aro Dr Samrat Sengupta, Barpeta Madhav Choudhary College-ni Dr Jaydev Mandal, Help Earth-ni Dr Jayaditya Purkayastha, Aaryanyak-ni Dr Jayanta Kumar Roy aro Turtle Survival Alliance-Foundation-ni Sushmita Kar ong•achim.
Una agreba, Herpetofauna-ko u•ina aro uko ripingani gimin u•i ma•siatna, nambate nirok simsakani aro naljokaniko on•a man•a gita forest personnel-rangna skie on•anirangkoba ong•atangan baksana, chipu-rangko naljoke rakkiani aro chipu suaniko champengani cholrangkoba iano agangrikanirangko dakangaha.
Na·simang ia video-koba nina man·gen:
Na·simang iakoba poraina man·gen: Manipur-o Kuki-Zo jatrangna Union Territory-ko dabie jingjengatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
