Shillong, Dec 8: Kerala a·dokni bilsi 51 ong·gipa George Jacob Koovakad-ko Sonibar salo, Pope Francis, Cardinal-ni gadangona Vatican-ni St Peter’s Basilica-o ra·doataha.
Ia tom·anio, dingtang dingtang biap aro jatni gimik sak 21 dilgiparangko gital Cardinal songaha aro ia dilgiparangko Cardinal songaniona a·gilsak gimikonin Isolna dangdike on·giparang aro dingtang dingtang dilgiparang re·bae bak ra·angtokaha.
Tom·a matchotani ja·man Cardinal songa man·gipa pamongrang, Vatican Palace-ona re·ange, Pope Francis-ni pattianiko ra·eaha.
St Peter’s Basilica-o ia gital Cardinal-rangna Rongtalgipa Missa boliko ong·atanio Pope Francis, jinmana aganprakengon, ia dilgiparangko Cardinal-ni gadangona ra·doaniara a·gilsakni gita ong·ja indiba Isolni rasongna ra·doanisa ong·enga ine aganaha.
Jisu Kristoni rasong chabee Jerusalem songjinmao napaniko gisik ra·atpilangengon, an·tangtangni kamrango pangnan Gitelko donchina aro Mondolina dangdike on·anio pangnan ku·mong nangrimaniko rakkiangchina ia sak 21 gital Cardinal-rangko Pope Francis didiangaha.
Cardinal Koovakad-ara Kerala a·dokni Changanacherry Syro-Malabar Catholic Archdiocese-oni ong·a aro da·o uko Cardinal songanichi India a·songo Cardinal-rang sakdok gapaha.
Na·simang ia video-koba nina man·gen:
Na·simang iakoba poraina man·gen: Tripura a•doko sak 10 Bangladeshi manderangko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
