Shillong, Oct 4: Sombar attamchibara, Shillong songjinmani Lachumiere-o donggipa National People’s Party (NPP) office-ni mongsonggipa gate sambaoniko IED bomako man•aha.Police official-rangni u•iatani gitade, ia IED bomani jreani Kg 5-mang ong•a.Koborko on•ani gitade, ia biapo gale donanggipa jolonggako jolni manderang nikenba, police-rangna u•iataha aro ja•mano police department-ni Bomb squad, ua biapona re•bae ia biapko chipe donataha. Ia boma gopretna skangan Bomb squad-ni sipairang, ia bomako siatna gita man•aha.Ia biapo IED bomako man•ani ja•man ia jolo donggipa sorkari office-rang aro dokkanrangko dikdiksa chipe donattokaha aro ia jolo songdongenggipa manderangkoba ia biaponi kate dongchina police-rang u•iataha.

Indake ong•engon, ia bomako HNLC bobil dolni manderang donangaha ine ja•mano HNLC bobil dolni general secretary Sainkupar Nongtraw, social media gita jinmana parakataha.