Shillong, Feb 3: Re•baenggipa February 21 tariko ong•atenggipa Khasi Hills Autonomous District Council (KHADC) election-o Sohiong-Nongpsung constituency-oni susana gita Sombar salo, Sohiong constituency-ni MLA aro United Democratic Party (UDP)-ni candidate Synsharlang Kupar Lyngdoh, an•tangni nomination lekkarangko on•angaha.

Nomination file ka•ani ja•man, kobor ra•timgipa manderang baksa agangrikengon, Sohiong-Nongpsung constituency-ni manderang uko susachina nangnikahani giminsa ia election-o ua susaenga ine Lyngdoh parakataha.

Uni mamatang, HDR Lyngdoh sagini depante Nathaniel Rymmai-ba ia election-o Congress tikitchi susana tik ka•ani ja•man uamangni nokdango meligrikgijanirang ong•enga ine jangbingbanganikoba ua raken jegalataha.

India a•songara jakgitelgipa a•songsa ong•ani gimin jeba election-o susana man•aia ine Lyngdoh talataniko on•angaha.

KHADC-ni niamrangko mangrakbatatna nangenga ine janapatengon, ia constituency-ni ning•o Sohiong aro Nongspung Himarang donga aro ia Himarangniba Assam a•dokni simao ga•akgipa Nongwah Mawtamur bipek dongkuengani gimin ia biaprango tom•tomaniko rakkina nangenga ine UDP candidate aganaha.

KHADC-ni ning•o donggipa pilak Himarangon sima aro wa•rengko name salchina gitaba Lyngdoh didiangaha.

District council election-na UDP name tarisoaha aro ia election-o chena gita uamang raken kamrangko ka•enga ineba Lyngdoh aganaha.

Na·simang ia video-koba nina man·gen:

Na·simang iakoba poraina man·gen: United Bodo People’s Federation (UBPF)-ni skanggipa Annual Conference-ko Guwahati-o ong•ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub