Shillong, Feb 24: Khasi Hills Autonomous District Council (KHADC) election-o susagipa sak 19 MDC-rangoni sak 4-san chepiltaiaha. Mongsonggipa dilgiparang jekai Chief Executive Member Pyniaid Sing Syiem, Deputy CEM PN Syiem aro KHADC-ni Chairman Lamphrang Blah-ko man•chape sak 15 MDC-rang sirikaha.

MDC-rangoni biaptangko man•rikpilgiparangara:

1. Nongshken seat-o NPP dolni Grace Mary Kharpuri, VVP-ni Mabhalang Thabah-ko 3,313 vote-rangchi amatenba 4-gipa changna chetaianiko man•aha.
2. Mawsynram seat-o NPP dolni Alvin K Sawkmie, VPP-ni Ruseivam Shangpliang-ko 5,035 vote-rangchi amataha.
3. Sohra seat-o UDP-ni Titosstarwell Chyne, VVP-ni John W. Thabah-ko 863 vote-rangchi amataha, aro
4. Ranikor seat-o UDP-ni Pius Marwein, NPP-ni Mandilost Nongbri-ko 2,899 vote-rangchi amataha.

Gitcham MDC-rangoni seoka man•taigiparangara:

1. Nongpoh seat-o NPP-ni Rona Khymdeit.
2. Laban-Mawprem-o IND ba jakgitel ong•e chakatgipa Ricky Shullai.
3. Mawshynrut-o HSPDP-ni Really Rashir aro
4. Mairang seat-o UDP-ni Equator L. Nongrang ong•a.

MDC-na seoka man•gipa sak 3 MLA-rangara:

1. Jirang seat-o NPP-ni Sosthenes Sohtun.
2. Sohiong seat-o UDP-ni Synshar Kupar Lyngdoh, aro
3. Ranikor (Langrin) seat-o UDP-ni Pius Marwein ong•a. Sak 3 MLA jemangan MDC-na seokako man•ahachim, uamang MLA aro MDC-ni kamrangkoba jako ra•e ka•angna gita nanggen.

Na·simang ia video-koba nina man·gen: 

Na·simang iakoba poraina man·gen: Meghalaya Koch Association, chang 55-gipa Annual Conference-ko ong•ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub