Shillong, July 18: South West Khasi Hills a·jani Khasi Hills Autonomous District Council (KHADC), Mawkyrwat Branch-ni office noko adita sak ma·sina man·gijagipa manderang do·ga dokgrake napaha ine koborna parakataha.
Ia obostani bidingo, KHADC Mawkyrwat Branch-o Taxes-ni Superintendent kamko jako ra·enggipa Shandor Tiewsoh-ni talatani gitade, mai salon ia obosta ong·ahachim name talkujaenga, maina iamang office kamni somoio ong·gijagipa Sonibar aro Robibar salo ba chuttini sal Sombar salosa office nokni do·gako dokdrake napna nanga ga·aka ine parakataha.
Ja·pangoniko koborko man·ani gitade, ia manderang ning·achi napna skang Mawkyrwat Branch office-ni Superintendent of Professional Tax-ni chamber aro gipin official chamber ba kutturini do·gani talako dokdrakaha. Indake ong·engon, office nokko dokdrake napanio uamangni chong·mot miksongani ja·pangkode ma·sijaha indiba pilak nangchongmotgipa lekkarangko kal·akaha aro piprae a·ao ga·ake dongtokaha.
Ia mamlao, officer-rang niam gita mokordomako segatangaha aro police, da·o ia mamlako sandirokatna gita a·bachengaha ine koborna parakataha.
Iakoba poraie nina man·gen: Manipur-o tom·tomaniko ra·bapilchina Mirabai Chanu, a·songni Prime Minister-ko mol·molata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
