Shillong, Jan 14: Khasi Hills Autonomous District Council (KHADC)-ni chu•gimik tangka paisa man•ani 49%-ni gita tangonaha, chong•motan 2017-18 bilsio 127.85 crore man•aoni 2018-19 bilsio 64.66 kror-ona tang•onaha.
2018-19 bilsio tangka paisani gita tang•onaniara 69%-ni gita grants-in-aid ba tangka paisani gita dakchakanirang komiani baksana koela aro silgrak bikotanirangna gamaniko 68%-ni gita komiatahani a•sel ong•aha, inenba Controller and Author General of India (CAG)-ni report-o nikna gita man•aha.
Ia man•gnirango rang•san tang•onaniara, India Sorkarini gita Constitution-ni Parts IX aro IX A-ni ning•o donggipa jolrangna tangka paisarangko chamatjani a•sel ong•aha. Apsandake, 2018-19 bilsirango koela aro silgrak bikotanio man•gni bakrangko KHADC man•jani a•sel ong•skaaha.
KHADC-ni pilak man•gnirangan a•dok sorkarini tangka paisa gilanio chu•gimik pangchaka aro ia gilanio council maming dakeba bak man•paani dongja, ine report-o nikna gita man•aha.
2018-19 bilsio, KHADC-ni 70% chu•gimik tangka paisa man•aniara, grants-ko 9.95 kror, koela aro silgrak bikotaniko kror 22.72 aro garirangna tangka gamani kror 11.74-rangko man•esa tangka gong kror 64.66-ko man•aha, aro ian council-ni tangka paisani gita a•paloni man•gipa tangka paisarango pangchakaniko mesoka.
CAG-ni report-ni gitade, KHADC-rangni tangka paisa jakkalani 27%-ni gita baridapaha, chong•motan 2017-18 bilsio kror 45.95-oni 2018-19 bilsio kror 58.58-ona tang•doskaaha. Ia tang•doanirangara mongsongbate dormaha on•anirango tangka paisarangko bang•e jakkalani aro secretariat general services-ni ning•o office-na koros ka•ani kror 18.39-oni 22.75 kror-ona aro buringrangni bidingo koros ong•ani 52%-ni gita 4.83 kror-oni 7.35 kror-ona tang•doaha.
2028-19 bilsio, 60%-ni gita council-ni koros ka•anirang secretariat general services-na 39%, buringrangna 13% aro jinmani kamrangna 8%-ko koros ka•angani a•sel gipin kamrangna tangkarang komiangskaaha.
Na·simang ia video-koba nina man·gen:
Na·simang iakoba poraina man·gen: Magh Bihu-ko manianio mikelrangko so•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
